【父母再受教育】 – 東週刊2011年8月9日

撰文☆張素兒
攝影☆張家宜、蔡豪

早前，七歲「小學雞」在商場內擘大喉嚨、叉腰發脾氣、鬧父母不懂教他、鬧途人多管閒事的片段，掀起全城熱話，普羅大眾均認同片段的男途人所說：「呢D人大個不得了呀！」

要改變下一代，啟發父母以正確方法教育子女是治本之方，遵理學校最近推出「早期教育基礎課程」，為父母們提供一個全面性的嬰幼兒教育，教導他們如何使零至六歲的孩子在快樂環境當中有系統的學習，養成良好品格，向「小學雞」say goodbye。

由愛出發
教育幼兒的最有效方法，並不是以強迫的方式灌輸知識，而是透過「愛」引發出幼兒的潛在能力。孩子們從出生起便已擁有100%的天賦，能否引發孩子潛能取決於父母的愛心、合適的成長環境、正面的激勵和教育。

Ken Sir（黎景安）說，教育小朋友最重要有愛和耐性，並需要花心思和技巧，「有D人佗住ＢＢ幾個月猛話辛苦，又唔想要，結果個小朋友出?世真係難教架喎！你唔能夠好好投入咁愛呢件產物，咁你將來點去教佢呢？」

親情力量
師承日本潛能開發專家池江俊博老師，兼曾經接受美國國防局及中央情報局的「前機密超感官知覺發展計劃」培訓的Ken Sir，過去曾主講超過三百個幼兒教育講座，又擔任香港專業教育學院早期教育導師，認為教育家長是大勢所趨。
Ken Sir解說：「我地可以宏觀D去睇，台灣十幾年前已經有親職教育，規定已婚夫婦又想生育?一定要讀一個十二小時的親職課程，慎防婚姻出現問題、對生兒育女概念出現分歧。香港只著重畀小朋友返playgroup，其實就算佢上幾多個鐘堂，其餘時間，家長唔去教佢、破壞緊彼此關係既，又有咩意思？所以，課程會教導父母如何引導孩子養成良好的習慣，呢種『親情的力量』先可以為孩子的健康成長奠定堅固的基礎。」

學員有say
想改變下一代必先教育家長，以下三個「早教課程」的學生，各自分享讀後感，你又是否感同身受？

許太
懷孕八個月
「我自己本身冇乜耐性，我老公又唔係好識溝通，幾個月前聽完Ken Sir的講座，覺得好有用。其實好多人都識生唔識教，好羨慕人?點解可以同D仔女溝通得咁好，所以同老公一齊上呢個課程，可以教得好一個小朋友，呢個價錢真係好抵。依家我地兩公婆得閒就會羅番D notes出來研究下，溝通多D，對夫妻之間的相處都有好處。」

林小姐
兒子八個月大
「我望住個仔成日係度諗點樣幫助佢成長，點樣去幫佢建立好的人格。直至上年七月聽左Ken Sir的講座，先知道有一個叫早期教育的課程，好有興趣，但當時學費較貴，依家呢度價值較平，所以即刻報名。課程開始係教父母點同BB按摩，我返屋企真係有跟足去做，BB果然好快就向前爬；阿Sir成日話自己唔打仔，我都想學返點樣唔打都可以教到仔，呢D真係技巧來。」

詹小姐
懷孕八個月
「我個朋友之前懷孕都有上早教課程，之後就介紹我去報名，覺得上左係有用，可以早D教到BB。原來有D係要咁樣教佢架，有D說話係唔可以係小朋友面前講，對湊小朋友的信心大左，情緒都紓緩左，覺得自己第時會幫到個小朋友。我同先生一齊上堂，好似之前Ken Sir教同小朋友玩閃卡，我已經同先生夾定呢part由佢負責，早D預備好D嘛。」

-修讀親職教育及早期教育的Ken Sir（黎景安），主講了超過三百個幼兒教育講座，現為新城電台親子節目《爸爸媽媽你好嗎？》客席幼兒教育顧問。

-早前，「小學雞」在商場內狂鬧父母及途人的片段，令人側目，掀起全城討論。